LED lampa seçərkən, nələrə diqqət etməli?
LED
lampalar ənənəvi və xalq arasında “spiral” adı ilə tanınan kompakt fluoresent
lampalardan fərqli olduğu üçün seçim vaxtı fərqli cəhətlərə fikir vermək
lazımdır. Bu cəhətlər aşağıdakılardır:
Vatt yox, Lumen.
Ənənəvi lampalarda vatt nə qədər çox olarsa, parlaqlıq da bir o qədər çox
olduğu üçün istehlakçılar vatt göstəricisini parlaqlığın göstəricisi kimi başa
düşür, amma əslində o göstərici lampanın nə qədər enerji mənimsədiyini bildirir.
Adi lampalarda bu göstərici ilə kifayətlənmək mümkün olsa da, LED lampalarda az
enerji istifadə olunduğu üçün digər bir göstəriciyə diqqət etmək lazımdır. -Lumen. Lampanı almaqda
məqsədin işıqlandırma olduğunu nəzərə alsaq, lampa seçərkən, onun mənimsəyə biləcəyi
enerjiyə deyil, onun yaydığı parlaqlığa
diqqət etmək lazımdır; parlaqlığın göstəricisi isə məhz lümendir. Belə ki, 60vattlıq ənənəvi
lampanın verdiyi işıq təxminən 800 lümendir və siz eyni lümeni cəmi 8-12 vatt
olan LED lampa ilə əldə edə bilərsiniz. LED lampalarda 1 vatta düşən lümen 80
və 110 arasında dəyişdiyi üçün, eyni vatt mənimsəyən müxtəlif markalar az da
olsa fərqli parlaqlıq verə bilir. Aşağıdakı cədvəl ənənəvi lampa ilə eyni işığı
əldə etmək üçün hansı LED lampanı seçə biləcəyinizi göstərir:
Parlaqlıq (lümen) |
Ənənəvi lampa |
Adi LED lampa |
Parla® |
450 |
40 vatt |
6-9 vatt |
5 vatt |
800 |
60 vatt |
8-12 vatt |
8 vatt |
1100 |
75 vatt |
9-13 vatt |
10 vatt |
1600 |
100 vatt |
14-20vatt |
15 vatt |
2600 |
150 vatt |
25-28 vatt |
24 vatt |
Doğru rəng seçimi.
Ənənəvi lampalar açıq sarımtıl rəngdə olsa da, LED lampalar ağ rəngin müxtəlif tonlarında ola bilər. Bir qayda olaraq,
istehlakçılar müxtəlif mühitlər üçün müxtəlif tonlardan istifadə edir, lakin ən
populyar rənglər tam ağ (6500K) və sarımtıl ağ (3000k) rəngləridir.
Enerjiyə qənaət.
İlk başda LED lampaların alış qiyməti digər lampalardan baha olur, lakin
növbəti aylardakı enerjiyə qənaət nəzərə alınanda, əslində LED lampasından
istifadənin daha ucuz olduğu məlum olur. Müxtəlif istehsalçıların LED lampaları
fərqli enerji qənaəti potensialına malik olur. Etibarlı göstərici olaraq PF (power
factor) göstərici dəyərinin 50+ olmasına diqqət edin. Bütün Parla® lampalarının PF göstəricisi 50 və daha yuxarıdır.
Dumanlandırma qabiliyyəti. Adi lampalardan fərqli olaraq LED lampaların parlaqlığının
nizamlanması mümkün olmur. Bu səbəbdən işığı nizamlayan cihazlar üçün LED
lampalar uyğun olmaya bilər. Bu halda həmin LED lampaların qutularında
“non-dimmable” yazısı olur.
Qapalı mövqelər üçün lampa. LED lampalar bütün elektron cihazlar kimi qızarkən, tez sıradan
çıxdığı hava dövriyyəsi olmayan mövqelər üçün ənənəvi lampalardan yaxud
“spiral” kompakt fluoresent lampalardan istifadə etmək daha məqsədəuyğun ola
bilər. Bu o demək deyil ki, həmin yerlərdə LED lampalardan istifadə etmək
olmaz, sadəcə nəzərə almaq lazımdır ki, həmin yerlərdə LED lampanın faydalı
ömrü xeyli azalacaqdır.