Hər otaq üçün məsləhət görülən LED lampa sayı və rəngi
Lümen Seçimi.
Yaşadığımız məkanlarda işıqların
parlaqlığı və rəngi bizə həm psixoloji, həm də fiziki olaraq təsir edir. Bu
səbəbdən, bir otağın sahəsi və istifadə məqsədindən asılı olaraq, həmin məkan
üçün müxtəlif parlaqlıq və ağ rəngin müxtəlif çaları tələb olunur. Adi halda, mərkəzdən
işıqlandırmalı və açıq rəngli divarları olan 16 m2 sahəyə malik
yataq otağı üçün 2800 Lümen, 30 m2 sahəsi olan mərkəzdən
işıqlandırmalı zal üçün isə 5900 lümen parlaqlığa ehtiyac vardır. 2800 lümen
əldə etmək üçün 5 ədəd 5 vatt, yaxud 2 ədəd 12V vatt Parla®
lampası lazımdır. 5900 Lümen əldə etmək üçün 11 ədəd 5 vatt, yaxud 6 ədəd 10
vatt, yaxud 5 ədəd 12V vatt, yaxud 4 ədəd 15V vatt Parla®
LED lampası tələb olunur.
Adi halda otaqların
işıqlandırması aşağıdakı kimi olmalıdır:
Lazım olan parlaqlıq |
||
Zal |
hər m2 üçün |
100-200 Lümen |
Yemək otağı |
hər m2 üçün |
300-400 Lümen |
Yataq otağı |
hər m2 üçün |
100-200 Lümen |
Hamam |
hər m2 üçün |
700-900 Lümen |
Koridor |
hər m2 üçün |
500-1000 Lümen |
Mətbəx (ümumi sahə) |
hər m2 üçün |
300-400 Lümen |
Mətbəx (iş sahələrindən asılı
olaraq ) |
hər m2 üçün |
700-900 Lümen |
Bu cədvələ əsasən,
məsələn, 25 kv.m sahəsi olan bir yataq otağı üçün 2500-5000 lümen işığa ehtiyac
vardır. Nəzərə alsaq ki, bir Parla®
12 vatt lampasında 1300 lümen parlaqlıq
olur, deməli həmin otağa ən azı 2, ən çoxu 4 Parla® lampası
kifayət edəcəkdir.
Rəng seçimi.
Ağ rəng işıq
istifadəçinin daha enerjili və diqqətli olmasında kömək edir. Bu səbəbdən kitab
oxunulan, iş görülən otaqlarda ağ işıq daha məqsədəuyğundur. Sarı işıq isə istifadəçinin daha sakit və rahat olmasına kömək
edir. Bu səbəbdən, yataq otağı kimi sahələrdə nisbətən sarı işıqlar məqsədəuyğundur.
LED
lampaların rəngini (verilmiş
səhifəyə istinad edin) seçmək üçün aşağıdakı normalardan istifadə etmək
məsləhət görülür:
Yataq otağı. Yataq
otaqları üçün dümağ rəngdən deyil, nisbətən sakitləşdirici effekti olan
sarımtıl rəngdən istifadə etmək lazımdır. Bu yatmaq ərəfəsində beynimizə zəruri
olan melatonin istehsalını asanlaşdırır.
Məsləhət görülən rəng diapazonu: 2700K-3000K
Evdəki iş otağı. Evdə işləyərkən,
bizə lazım olan enerjiyə və diqqəti cəmləşdirməyə malik olmaq əsas şərtdir. Dümağ
işıq bu məsələdə bizə kömək edir. Odur ki, otağı ağ işıqla işıqlandırmaqla
yanaşı, ağ işığı olan stolüstü lampadan istifadə də eynilə məqsədəuyğundur. Məsləhət
görülən rəng diapazonu: 3000K-5000K.
Yaşayış
otağı, yemək otağı, zal. Adətən bu otaqlara günəş işığı gün ərzində düşdüyü
üçün və axşamlar da qonaqlıq, yaxud TV-ə baxma, yaxud digər fəaliyyətlər üçün
istifadə olunduğu üçün dümağ işıqlardan vaz keçmək lazımdır. Məsləhət görülən rəng
diapazonu: 2200K-3000K.
Mətbəx. Günə
başlayarkən, daxil olduğumuz ilk otaqlardan biri olduğu üçün mümkün qədər ağ rəngli
işıqla təmin olunduqda, mətbəx bizim oyanaraq enerji dolu ayıq qalmağımıza müsbət
təsir edir. Həmçinin mümkün qədər ağ rəng gigiyenik təmizləmə zamanı ev sakinlərinə
kömək edir. Məsləhət görülən rəng diapazonu: 3000K-5000K.
Hamam. Gün ərzində
ilk daxil olduğumuz otaqlardan biri olduğu üçün yuxudan ayılmamıza yardımçı
olsun deyə və şəxsi gigiyena üçün çox aydınlıq lazım olduğu üçün hamamlarda dümağ
işıq məqsədəuyğundur. Otağın sadəcə tavanına deyil, müxtəlif yerlərini də ağ
işıqla təmin etmək məsləhət görülür. Məsləhət görülən rəng diapazonu:
4000K-6500K.
Dəhliz əraziləri.
Bu sahələr üçün 2700K-4000K rəng diapazonlu LED lampa məsləhət görülür.
Lazım olan yerləri əlavə işıqla təmin etməklə, otaqlar arasında işıqların
balansının yaradılması mümkündür.