Nazir: “İllik təhsil haqqları ilə bağlı güzəştlər nəzərdə tutulmur”backend

Nazir: "İllik təhsil haqqları ilə bağlı güzəştlər nəzərdə tutulmur"

Təhsil naziri Emin Əmrullayev Nazirlər Kabineti yanında Operativ Qərargahın bu gün keçirilən brifinqində xüsusi karantin rejimi dönəmində tətbiq ediləcək qadağalardan danışıb.

PARLA xəbər verir ki, 1 dekabr tarixinədək davam edəcək distant təhsil çərçivəsində şagirdlərin internetə çıxışla bağlı problem yaşamaması üçün istifadəyə verilən platformalar artıq VPN-siz işləyəcək.

Nazir bildirib ki, bağça və məktəbəqədər müəssisələr istəyərsə, öz təşəbbüsləri ilə onlayn təhsil verə bilərlər.

Bu il yenicə tədrisə başlayan 1-ci siniflərin distant təhsil çərçivəsində çətinliklərlə üzləşəcəyini inkar etməyən nazir onların ilk fürsətdə ənənəvi təhsilə başlayacaqlarını söyləyib:

“Gələcəkdə ənənəvi təhsilə qayıtdıqda ilkin mərhələdə məhz 1 və 2-ci siniflərin məktəbdə təhsilinin bərpası nəzərdə tutulub”.

Məktəb və universitetlərin illik təhsil haqqına gəlincə isə, bu mövzuda güzəştlər nəzərdə tutulmayıb.

www.parla.az