İlham Əliyev: “Ermənistan silahları Rusiyadan pulsuz əldə edir, biz isə pul ödəyirik”backend

İlham Əliyev: "Ermənistan silahları Rusiyadan pulsuz əldə edir, biz isə pul ödəyirik"

Prezident İlham Əliyev Fransanın “Figaro” qəzetinə müsahibəsində Ermənistan tərəfin gülünc iddialarına sərt cavablar verərək bir çox məsələlərə aydınlıq gətirib.

Dövlət başçısı bildirib ki, Ermənistandan fərqli olaraq, biz Rusiyadan aldığımız silahlara görə pul ödəyirik:

“Ermənistan Rusiyadan silahları pulsuz əldə edir. Biz, həmçinin İrandan, Ukraynadan, Belarusdan silah alırıq. Əlbəttə ki, bizim bu gün ordumuza ərazi bütövlüyümüzü bərpa etməyə kömək edən müasir silahları almaq imkanımız var. Bizim ərazi bütövlüyümüz öz tərəfimizdən bərpa olunur. Təbii ki, bizim regionda istənilən ölkə silah alır. Dünyada heç də bütün ölkələr özlərini 100 faiz hərbi avadanlıqla təchiz edə bilmir. Beləliklə, burada qəribə olan bir şey yoxdur. Əlbəttə ki, biz silahlara görə ödəniş edirik, biz yaxşı silahları alırıq və onlar bizə yerində kömək edir. Lakin ərazilər dronlar vasitəsilə işğaldan azad edilmir. Ərazilər əsgərlər, orada öz vəzifəsini yerinə yetirən insanlar tərəfindən azad edilir”.

 

www.parla.az