Deputat: “Parisdəki səfirimizi geri çağırmalıyıq”backend

Deputat: “Parisdəki səfirimizi geri çağırmalıyıq”

Bir neçə deputat Fransa senatının dünən qəbul etdiyi qətnaməyə münasibət bildirib.

“Fransa senatının dünən qəbul etdiyi qətnamədəki məqamlar düşmənçiliyin daha da artmasına yönəlib. Bu, Fransa adına böyük bir ləkədir”.

Bunu deputat Azay Quliyev Milli Məclisdə noyabrın 25-də Fransa senatının Fransa hökumətini qondarma “Dağlıq Qarabağ respublikası”nı tanımağa çağıran məsləhət xarakterli qəbul etdiyi qətnaməsi ilə bağlı bəyanatın müzakirəsi zamanı deyib:

“Biz Fransanın vasitəçilik missiyasından imtina etməliyik. Biz daha kəskin addımlar atmalıyıq. Parisdəki səfirimiz geri çağırılmalı, iqtisadi əlaqələr tamamilə dayandırılmalıdır”.

Deputat Fəzail Ağamalı isə bildirib ki, Fransa senatının üzvləri beynəlxalq hüquqdan kifayət qədər xəbərdardırlar. Ona görə də onların qəbul etdiyi qətnamə qərəzlidir.

www.parla.az