Çexiyada gecələr küçəyə çıxmaq qadağan edildibackend

Çexiyada gecələr küçəyə çıxmaq qadağan edildi

Çexiyada koronavirusla mübarizə tədbirləri çərçivəsində vətəndaşların saat 21:00-dan 05:00-a qədər küçəyə çıxması qadağan edilib.

PARLA xəbər verir ki, bu barədə ölkənin Səhiyyə naziri Roman Primul açıqlama verib. O bildirib ki, bu qərar 28 oktyabr-3 noyabr tarixlərində qüvvədə olacaq.

İşə getmək və digər təcili tədbirlər, habelə ev itləri ilə evdən 500 m-ə qədər məsafədə gəzmək istisna təşkil edir. Eləcə də gündüzlər vətəndaşlar iş yerlərinə getmək, qohumlarını ziyarət etmək, yemək və dərman almaq üçün evlərindən çıxa bilərlər.

Qeyd edək ki, bu günə qədər Çexiyada 268 min 370 nəfər “COVID-19”a yoluxub, 2365 nəfər vəfat edib.

www.parla.az