AZAL-dan bu 3 şəhərə səyahət etmək istəyənlərə müraciət: Güzəşt edildibackend

AZAL-dan bu 3 şəhərə səyahət etmək istəyənlərə müraciət: Güzəşt edildi

İstanbul, Berlin və London şəhərlərinə “Azərbaycan Hava Yolları” QSC-nin (AZAL) xüsusi reysləri ilə səyahət etməyi planlaşdıran sərnişinlər bu gündən etibarən çəkisi 10 kq-dan artıq olmayan daha bir ədəd baqajı ödənişsiz götürə və hava limanında qeydiyyat masasına təhvil verə bilərlər.

PARLA bu barədə AZAL-a istinadən xəbər verir.

Məlumata görə, ekonom sinifdə səyahət edən sərnişinlər cəmi iki ədəd baqaj – 23 kq + 10 kq, biznes sinifdə səyahət edən sərnişinlər – üç ədəd baqaj: ikisi 32 kq + 10 kq, VIP klubun üzvləri isə dörd ədəd baqaj: üçü 32 kq + 10 kq götürə bilərlər.

Bu qayda təyyarə salonunda sıxlığı minimuma endirmək və sərnişinlərin təyyarəyə maneəsiz daxil olmasını təmin etmək üçün əl yükünə aid olan əşyaların baqaja təhvil verilməsini nəzərdə tutur. Qeyd edək ki, əl yükü qismində yalnız kişi portfeli, qadın əl çantası, noutbuk çantası və uşaq qidasının götürülməsinə icazə verilir.

www.parla.az