Rəsmi Tehran Ermənistanı işğala son qoymağa çağırdıbackend

Rəsmi Tehran Ermənistanı işğala son qoymağa çağırdı

Rəsmi Tehran Ermənistanı işğala son qoymağa çağırıb.

“İran Azərbaycanın ərazi bütövlüyünün tərəfdarıdır və erməni işğalının sona çatması bölgədəki sabitliyin qarantı olacaq” – bunu İran Prezident Administrasiyasının rəhbəri Mahmud Vaezi deyib.

O, İranın BMT Təhlükəsizlik Şurasının qətnamələri nəzərə alınmaqla, münaqişənin dialoq yolu ilə və beynəlxalq hüquq çərçivəsində həllinə dəstək verməyə hazır olduğunu qeyd edib.

Vaezi Tehranın Azərbaycanı qardaş və dost bir ölkə, yaxşı qonşu hesab etdiyini də vurğulayıb: “İranın Azərbaycanla bağlı mövqeyi həmişə açıq və şəffaf olaraq qalıb. Biz hər zaman Azərbaycanın ərazi bütövlüyünə hörmət edirik və tanıyırıq. İşğala son qoyulmasının bölgədə sabitliyi təmin edəcəyinə inanırıq.

PA rəhbəri İran ərazisindən Ermənistana silah və hərbi personalın köçürülməsinə dair iddiaları əsassız adlandırıb və deyib ki, “Müəyyən qüvvələr Azərbaycanla İran arasındakı yaxşı münasibətləri pozmağa çalışır”

www.parla.az